नेपाल

मुगु जिप दुर्घटनामा मृत्यु हुनेको संख्या चार पुग्यो

मुगु । मुगुमा भएको जिप दुर्घटनामा घाइते भई नेपाली सेनाको हेलिकोप्टरमार्फत उद्धार गरिएकी अञ्जु थापाको काठमाडौँस्थित बी एन्ड बी अस्पतालमा उपचारका क्रममा निधन भएको छ। उनको निधनसँगै दुर्घटनामा मृत्यु हुनेको संख्या चार पुगेको छ।

दुर्घटनामा गम्भीर घाइते भएकी थापालाई सेनाको हेलिकोप्टरमार्फत सुर्खेत हुँदै थप उपचारका लागि काठमाडौँ लगिएको थियो। मुगुका प्रहरी नायब उपरीक्षक रविराज थपलियाले काठमाडौँस्थित बी एन्ड बी अस्पतालमा उपचारका क्रममा अञ्जु थापाको निधन भएको जानकारी दिनुभयो ।

यसअघि दुर्घटना स्थलमै तीन जनाको मृत्यु भएको थियो भने दुई जना घाइते भएका थिए। घाइतेमध्ये अन्जुको निधन भएपछि दुर्घटनामा ज्यान गुमाउनेको संख्या चार पुगेको हो।

About the author
The Himalayan Voice

The Himalayan Voice

'कम्युनिटी न्युज नेटवर्क एलएलसी' अन्तर्गत सञ्चालित 'Thehimalayanvoice.com' अनलाइन समाचार सेवा हो। यसले पत्रकारिताका मूल्य-मान्यता र आचार संहिता अनुरूप सन्तुलित, सत्य र तथ्यपरक भूमिका निर्वाह गर्दै चौबीसै घण्टा र साताको सातै दिन अंग्रेजी तथा नेपाली भाषामा राष्ट्रिय र अन्तर्राष्ट्रिय समाचारहरू निरन्तर सम्प्रेषण गर्दछ।

Himalayan Voice Newsletter

News delivered directly to your inbox

Subscribe for important headlines, community updates, and selected stories.

टिप्पणी लेख्नुहोस्