लोकप्रिय स्ट्रिमर ब्र्याडेन पिटर्सद्वारा प्रेमिका लिली स्नाइडरसँग सम्बन्ध टुटेको घोषणा
"तिमी मलाई आफ्नो स्वार्थअनुसार चलाउन खोज्दैछौ। तिमी यहाँ आउँदा एकदमै नरम स्वरमा बोल्छौ, अनि अर्कोै क्षणमा कराउँछौ, मलाई कुट्छौ र अरू त्यस्तै हर्कतहरू गर्छौ,"
लस एन्जलस। लोकप्रिय स्ट्रिमर ब्र्याडेन पिटर्सले भावनात्मक लाइभस्ट्रिममार्फत लिली स्नाइडरसँगको प्रेम सम्बन्ध टुटेको पुष्टि गरेका छन्।
हजारौं दर्शकहरू शाक्षी रहेको यस सम्बन्ध-विच्छेद प्रक्रियामा उनीहरूबीच भावुक कुराकानी भएको थियो। लिलीले निर्णय पुनर्विचार गर्न पटक-पटक आग्रह गरे तापनि क्लाभिकुलर आफ्नो सम्बन्ध अन्त्य गर्ने निर्णयमा अडिग रहेका थिए।
लाइभस्ट्रिमको क्रममा,’लुक्स म्याक्सिंग’ स्ट्रिमरका रूपमा चिनिने उनले सम्बन्ध सकिएको कुरा बारम्बार दोहोर्याए र लिलीलाई आफू अब डेटिङ जारी राख्न नचाहेको बताए। लिलीले आफूले उनलाई माया गर्ने र सँगै रहन चाहेको कुरामा जोड दिइरहँदा पनि, स्ट्रिमरले भने आफ्नो निर्णय अन्तिम भएको बताए।
ब्र्याडेन भने, “हामी अब डेटिङ गरिरहेका छैनौं। म अब डेटिङ गरिरहेको छैन।” यो सम्बन्ध-विच्छेदको घटना आइतबार, जुलाई १९ को लाइभस्ट्रिममा भएको थियो र उनीहरूको घरभित्र रेकर्ड गरिएका भिडियोहरू पछि सामाजिक सञ्जालमा फैलिएका थिए।
उनीहरू करिब चार महिनादेखि सम्बन्धमा थिए। लाइभस्ट्रिमको क्रममा क्लाभिकुलरले आफू अब सम्बन्धमा रहन नचाहेको बताए र लिलीलाई भने कि उनीहरू या त “साथी” भएर रहन सक्छन् वा “हामीबीच केही पनि रहनेछैन।”
धेरै पटक लिलीले उनलाई आफूले उनीबिना आफ्नो जीवनको कल्पना पनि गर्न नसक्ने बताइन् र उनले “यति राम्रो कुरा” किन त्याग्न खोजिरहेका छन् भनेर ब्र्याडेनलाई पटक पटक सोधिन्।
क्लाभिक्युलरले जवाफमा भने कि सम्बन्धमा रहिरहँदा आफ्नो करियरमा असर पर्नेछ; उनले आफू ‘सिंगल’ रहन चाहेको र अब सम्बन्धमा बस्न नचाहेको बताए।
ब्र्याडेन लिलीलाई भने, ‘तिमी मलाई यसका लागि बाध्य पार्दैछौ। के तिमी मलाई छोड्न सक्छौ? म अब तिमीसँग डेट गर्न चाहन्नँ। मलाई यसका लागि बाध्य पार्ने प्रयास नगर। मलाई यसका लागि बाध्य पार्ने प्रयास नगर।’
ती स्ट्रिमरले यो सम्बन्ध-विच्छेद कुनै एउटा झगडाको परिणाम नभई सम्बन्धमा लामो समयदेखि चलिरहेका समस्याहरूको नतिजा भएको दाबी पनि गरे। उनले लिलीको व्यवहारलाई ‘मैनिपुलेटिभ’ (आफ्नो स्वार्थअनुसार अरूलाई चलाउने खालको) भनी वर्णन गरे र झगडाको बेला उनी आक्रामक हुने गरेको आरोप लगाए।
“तिमी मलाई आफ्नो स्वार्थअनुसार चलाउन खोज्दैछौ। तिमी यहाँ आउँदा एकदमै नरम स्वरमा बोल्छौ, अनि अर्कोै क्षणमा कराउँछौ, मलाई कुट्छौ र अरू त्यस्तै हर्कतहरू गर्छौ,” उनले थपे।
खबरका अनुसार, पछिल्ला केही महिनाहरूमा उनीहरूबीच धेरै पटक सम्बन्ध टुट्ने र फेरि जोडिने क्रम चलेको थियो। क्लाभिक्युलरले दैनिक जीवनका विषयहरूमा बारम्बार हुने मतभेद र सम्बन्धको सुरुवातमै सँगै बस्न थालेको कुरालाई पनि औंल्याए; उनका अनुसार यी कारकहरूले समयसँगै सम्बन्धमा तनाव बढाएका थिए।
