घन्टौ लामो ग्राउन्ड स्टप जारी गरेपछि घरेलु अमेरिकी उडानहरूलाई फेरि प्रस्थान गर्न अनुमति

पुरुषोत्तम ढकाल, लस एन्जलस। दूरसञ्चार सेवाको गडबडी र अवरुद्ध भएका कारण सुरक्षा चासो राख्दै संघीय अधिकारीहरूले घन्टौ लामो ग्राउन्ड स्टप जारी गरेपछि घरेलु अमेरिकी उडानहरूलाई फेरि प्रस्थान गर्न अनुमति दिइएको छ।

आजको घटनामा यातायात सचिव शन डफीले हवाई दूरसञ्चार सेवाको पुरानो हवाई ट्राफिक नियन्त्रण प्रविधि र ओभरलोड राउटरहरूलाई दोष दिएका छन् ।

यातायात सचिव शन डफीलेले प्रणाली अद्यावधिक नभएसम्म थप अवरोधको चेतावनी दिए, बारम्बार सुधारको लागि रकम उपलब्ध गराउन कांग्रेसलाई आग्रह गरे। उनले हवाई यातायात सामान्य अवस्थामा फर्कन “ढिलो” हुने बताउदै यसले थ्याङ्क्सगिभिङ यात्रालाई प्रभाव नपार्ने बताएका छन्।

होमल्याण्ड सुरक्षा सचिव मार्कवेन मुलिनले भने कि ग्राउन्ड स्टप अमेरिकाको लागि खतराबाट उत्पन्न भएको थिएन र यो हप्ताको विघटनकारी माइक्रोसफ्ट अवरुद्धसँग सम्बन्धित थिएन।

डाटा फर्म सिरियमका अनुसार यात्रा रद्धबाट अनुमानित १५ लाख मानिसहरू अलपत्र परेका छन्। पहिले नै हावामा रहेका उडानहरू अवतरणको लागि आएपछि आकाश खाली भयो र ग्राउन्ड स्टप चार घण्टाभन्दा बढी समयसम्म तानियो।