अवैध आप्रवासन नियन्त्रण गर्ने उद्धेश्यले ल्याइएको ‘प्रोपोजिसन ३१४’को केही अंश रोक्न न्यायाधीशद्वारा अस्वीकार
जनमतद्वारा अनुमोदित र भर्खरै लागू भएको उक्त नियमको एउटा अंशले अर्को देशबाट एरिजोनामा गैरकानूनी रूपमा प्रवेश गर्नुलाई सामान्य अपराध मान्छ र राज्यका न्यायाधीशहरूलाई देशनिकालाको आदेश दिने अधिकार प्रदान गर्दछ।
एरिजोना। एक संघीय न्यायाधीशले हालका लागि राज्यका अधिकारीहरूलाई गैरकानूनी आप्रवासन नियन्त्रण गर्ने उद्देश्यले मतदाताहरूबाट अनुमोदित उपायको एउटा अंश कार्यान्वयन गर्नबाट नरोक्ने निर्णय गरेका छन्।
करिब ९० मिनेटको बहस र छोटो विश्रामपछि, न्यायाधीश माइकल लिबुर्डीले आप्रवासी सहायता समूहको दाबी—कि ‘प्रोपोजिसन ३१४’को कार्यान्वयनबाट आफूहरूलाई अपूरणीय क्षति पुग्नेछ—केवल अनुमानमा आधारित रहेको फैसला सुनाए।
जनमतद्वारा अनुमोदित र भर्खरै लागू भएको उक्त नियमको एउटा अंशले अर्को देशबाट एरिजोनामा गैरकानूनी रूपमा प्रवेश गर्नुलाई सामान्य अपराध मान्छ र राज्यका न्यायाधीशहरूलाई देशनिकालाको आदेश दिने अधिकार प्रदान गर्दछ।
आप्रवासी सहायता समूहले यो कदम संबैधानिक ‘सर्वोच्चताको प्रावधान’को उल्लंघन भएको तर्क गरेको छ; उक्त प्रावधानले आप्रवासनसम्बन्धी विषयमा संघीय सरकारलाई व्यापक अधिकार प्रदान गर्दछ।
मुद्धाको सो अंशसम्बन्धी सुनुवाई जारी रहने बताइएको छ ।
