काठमाडौँ । प्रतिनिधिसभाको आजको बैठकले ‘सम्पत्ति शुद्धीकरण (मनि लाउन्डरिङ) निवारण (तेस्रो संशोधन) विधेयक, २०८३ बहुमतले पारित गरेको छ ।
अर्थमन्त्री डा. स्वर्णिम वाग्लेले प्रस्तुत गर्नुभएको ‘सम्पत्ति शुद्धीकरण (मनि लाउन्डरिङ) निवारण (तेस्रो संशोधन) विधेयक, २०८३’ सभाको बहुमतले पारित गरेको सभामुख डोलप्रसाद अर्यालले घोषणा गर्नुभयो ।
विधेयकमाथिको दफावार छलफलमा उठेका विषयमा जवाफ दिँदै अर्थ आफूहरूको एउटै लक्ष्य देशलाई ग्रे लिष्टबाट देशलाई निकाल्ने रहेको बताउनुभयो ।
डा. वाग्लेले ग्रे लिष्टबाट देशलाई निकाल्नका लागि निगरानी भइरहेको र सम्पत्ति शुद्धीकरण जस्तो विषयलाई राजनीतिक अभिष्ट पुरा गर्न दुरुपयोग गरियो भने देश ग्रे लिष्टबाट बाहिर निस्कन नसक्ने बताउनुभयो ।
विधेयकमाथि परेका संशोधनको प्रस्तावहरू सभाको बहुमतले अस्वीकृत गरेको छ ।
