नेपालीलाई भिसामा कडाइ गर्दै मलेसिया, कतार र साउदी
काठमाडौं । नेपाली कामदारलाई मलेसिया, साउदी अरब, कतार लगायत सहितका देशले भिसामा कडाइ गरेका छन । गत २३ र २४ भदौमा भएको जेन–जी समुहको आन्दोलनपछि उत्पन्न परिस्थिति मध्यनजर गर्दै भिजिट र वर्किङ भिसामा कडाइ गरेको हो ।
जेन–जी समुहको आन्दोलनपछि मलेसिया, साउदी अरब, कतार लगायत देशले समेत भिसा दिन कडाइ गर्न सुरु गरेका हुन । नेपाल वैदेशिक रोजगार व्यवसायी संघका अनुसार मलेसिया सहित अन्य खाडी देशले समेत भिसा दिन कडाइ गर्न थालेको जानकारी दिएका छन ।
यूएईपछि मलेसिया, कतार, साउदी लगायत देशले समेत सहज भिसा दिन छाडेको वैदेशिक रोजगार व्यवसायी संघको भनाइ छ । ‘दुई, तीन दिनयता अनेकन कागजात मागिरहेका छन् ।
संघका अनुसार प्रहरी रिपोर्ट पनि तत्कालको मागिरहेका छन् । कतिपयको रिजेक्ट पनि भइरहेको छ, । यूएईले भिजिट भिसामा पूर्णरूपमा रोक लगाएको छ भने वर्किङ भिसामा समेत कडाइ गर्दै आएको छ ।
जेनजी आन्दोलनपछि जेलबाट भागेका कैदीहरू आफ्नो देशमा पस्न सक्नेतर्फ सचेत हुँदै यी देशहरुले भिसामा कडाइ गरेको जनाइएको छ । तर, यी देशहरुले यसबारे कुनै आधिकारिक जानकारी भने गराएको छैन ।
