युएससीआइएसका अनुसार प्रमाणको लागि अनुरोध र पछि पेश गरिएको प्रमाण अस्विकार गरिने
नयाँ नीतिले बाइडेन-युगको अघिल्लो नीतिमा संशोधन गरेको छ जसले अधिकारीहरूलाई सुविधा अनुरोध अस्वीकार गर्नुअघि प्रमाण माग्न प्रोत्साहित गर्थ्यो ।
वाशिंगटन । युएस सिटिजनसिप एण्ड इमिग्रेसन सर्भिसेज (युएससीआइएस) ले आप्रवासन सुविधाको आवेदनसंगै प्रमाण पेश गर्नु पर्ने नयाँ निर्देश जारी गरेको छ ।
बुधबार एक विज्ञप्ति जारी गर्दै आप्रवासन सुविधाको आवेदन प्रमाणहरू पेश गर्न असफल भएमा युएससीआइएसले ‘प्रमाणको लागि अनुरोध अस्वीकार गर्ने र आप्रवासन सुविधाको अनुरोध समेत अस्वीकार गर्ने जानकारी सार्वजनिक गरेको हो ।
युएससीआइएसको निर्देशन अनुसार नयाँ फारमहरूमा सुविधा अनुरोधका लागि आवश्यक पर्ने सम्पूर्ण प्रारम्भिक प्रमाणहरू उल्लेख गरिएका हुन्छन र आवेदकहरूले पूर्णरुपले नियम पालना गर्न आवश्यक हुनेछ।
युएससीआइएसका अनुसार नयाँ नीतिले प्रक्रियाहरूलाई ‘डिपार्टमेन्ट अफ होमल्याण्ड सेक्युरिटी’को लामो समयदेखि चलिआएको नियामक अधिकार र फारम निर्देशनहरूसँग समन्वय गर्ने र आप्रवासीहरुलाई आधारहीन वा अनावश्यक सुविधा अनुरोधहरू पेश गर्न कठिन बनाउने बताएको छ ।
नयाँ नीतिले बाइडेन-युगको अघिल्लो नीतिमा संशोधन गरेको छ जसले अधिकारीहरूलाई सुविधा अनुरोध अस्वीकार गर्नुअघि प्रमाण माग्न प्रोत्साहित गर्थ्यो ।
बाइडेन-युगको नीतिले आवेदकहरूलाई आफ्नो मुद्धाको निर्णयको प्रतीक्षा गर्दा रोजगारीको अनुमति जस्ता सम्बन्धित आप्रवासन सुविधाहरू प्राप्त गर्न सहज थियो ।
युएससीआइएसका अनुसार यो नीति ५ अगस्ट २०२६ वा त्यसपछि पेश गरिएका वा विचाराधीन रहेका आवेदनहरूमा लागू हुनेछ।
