मेयर ममदानीद्वारा आप्रवासनसम्बन्धी अमेरिकी राष्ट्रपति ट्रम्पको अडान र दृष्टिकोणको आलोचना

न्युयोर्क । अमेरिका स्वतन्त्रताको २५०औँ वार्षिकोत्सवको अवसरमा शुक्रबार आयोजित कार्यक्रममा न्युयोर्कका मेयर जोहरान मामदानीले आप्रवासनसम्बन्धी अमेरिकी राष्ट्रपति डोनाल्ड ट्रम्पको अडान र देशप्रतिको उनको व्यापक दृष्टिकोणको आलोचना गरेका छन् ।

मामदानीले राष्ट्रपतिको नाम नलिए पनि, उनले सिटी हलमा रहेको जर्ज वासिङ्टनको पुरानो डेस्कमा बसेर सम्बोधन गरे; सो अवसरमा उनी वरिपरि विश्वभरबाट आएर हालै अमेरिकी नागरिकता प्राप्त गरेका व्यक्तिहरू उपस्थित थिए।

“उनीहरूले तिमीहरूलाई भन्नेछन् कि अमेरिका केवल सही लवज वा सही वर्ण (छालाको रङ) भएकाहरूको मात्र हो,” उनले भने। “हामी बाँकी मानिसहरू त यहाँ आउन पाउनुमै कृतज्ञ हुनुपर्छ भन्ने उनीहरूको जिकिर हुन्छ। उनीहरू कति साना सोचका छन्! कति कमजोर र कति मौलिकताविहीन।”