काँग्रेस केन्द्रीय कार्यसमितिको आजको बैठक : समयमै महाधिवेशन गर्नुपर्नेमा जोड 

काठमाडौँ  । नेपाली काँग्रेस केन्द्रीय कार्यसमितिको आजको बैठक आज पनि केन्द्रीय कार्यालय सानेपामा बसेको छ ।

आजको बैठकमा धारणा राख्ने अधिकांश केन्द्रीय सदस्यहरूले समयमै महाधिवेशन गर्नुपर्नेमा जोड दिनुभयो भने केही केन्द्रीय सदस्यहरूले निर्वाचन पछि महाधिवेशन गर्नुपर्ने बताउनुभयो ।

आजको बैठकमा केन्द्रीय सदस्यहरू अर्जुननरसिंह के.सी., एन.पी. साउँद, आनन्दप्रसाद ढुङ्गाना, अजयकुमार चौरसिया, मिनाक्षी झा, अमृत अर्याल, गेहेन्द्र गिरी, प्रदीपकुमार सुनुवार, नैनसिंह महर, विनोदकुमार चौधरी, मोहन आचार्य, मञ्जुकुमारी यादव, दीपक खड्काले आ–आफ्नो धारणा राख्नुभएको थियो ।

कार्यसमितिको बैठक भोली बिहान साढे ११ः०० बजे पार्टीको केन्द्रीय कार्यालय, सानेपामा पुनः बस्ने पार्टी कार्यालयका मुख्य सचिव कृष्णप्रसाद पौडेलले जानकारी दिनुभयो ।