नेपाल
पहिरोले अवरुद्ध नरायणगढ–मुग्लिन सडक सुचारु
चितवन। चितवनको नरायणगढ–मुग्लिन सडकखण्ड अन्तर्गत मुग्लिन नजिकै पहिरो आएर अवरुद्ध भएको सडक सञ्चालनमा आएको छ ।
सोमबार दिउसो २ बजे पहिरो खसेर अवरुद्ध भएको सडक केही समय अगाडिबाट सञ्चालनमा आएको डिजिजन सडक कार्यालय भरतपुरका इन्जिनियर अर्जुन घिमिरेले जानकारी दिनुभयो ।
सुख्खा पहिरो खसेपछि सवारी साधन अवरुद्ध भएको थियो । यसैबिच यही सडक खण्डको नाम्सी खोला, तुइनखोला नजिकैपनि आजै पहिरो खसेर ६ घण्टा सवारी साधन अवरुद्ध भएको थियो ।
त्यसैगरी आजै यही सडक खण्डको गाइघाट नजिकै दिउसो ४ बजे पहिरो आएर अवरुद्ध भएको सवारी आवागमन ४:३० बजे बाट सञ्चालनमा आएको छ ।
आज यो सडकखण्डमा बिहान ७ बजेदेखि पहिरोको कारण सवारी साधन अवरुद्ध हुदै आएको थियो । अहिले यस सडकखण्डमा कुनै अवरोध नभएको सडक कार्यालयले जानकारी दिएको छ ।
