लस एन्जलसमा हाई स्कूलका विद्यार्थी अध्यागमन एजेन्टहरूको हिरासतमा
लस-एन्जलस । लस एन्जलसको एक हाई स्कूलका १८ वर्षीय विद्यार्थीलाई संघीय अध्यागमन एजेन्टहरूले हिरासतमा लिएको प्रत्यक्षदर्शीहरुले बताएका छन् ।
रेसेडा चार्टर हाई स्कूलमा पढ्ने बेन्जामिन मार्सेलो गुरेरो-क्रुज गत हप्ता आफ्नो कुकुरलाई घुमाउँदै गर्दा नकाबधारी अध्यागमन एजेन्टहरूले उनलाई नियन्त्रणमा लिएका थिए ।
रेसेडा चार्टर हाई स्कूलमा पढ्ने बेन्जामिन मार्सेलो गुरेरो-क्रुज अध्यागमन एजेन्टहरूले हिरासतमा पुगेपछि उनको परिवारलाई कानुनी सहायता र अन्य आवश्यक सहयोगका लागि मद्धत गर्न “गो फन्ड मि” अभियान सुरु गरिएको छ ।
प्रत्यक्षदर्शीहरुका अनुसार एजेन्टहरूले उनको कुकुरलाई रूखमा बाँधेर त्यसको कलर खोलेका थिए, जसले गर्दा कुकुर सेपुल्वेदा बुलेभार्डमा भाग्न सकेको थियो।
गो फन्ड मिले सामाजिक संजालको पोस्टले दिएको जानकारी अनुसार गुरेरो-क्रुजले आफ्ना ५ महिनाका जुम्ल्याहा भाइहरू र ६ वर्षीय भाइको हेरचाह गर्न मद्धत गर्दै आएका थिए । पोस्टमा उनलाई “समर्पित छोरा, हेरचाह गर्ने भाइ, वफादार साथी र हाम्रो समुदायको एक मूल्यवान सदस्य” भनेर उनको पक्षमा पैरवी गरिएको छ।
