सुपरम्यान डीन केनले निर्वासन एजेन्डाको समर्थन गर्दै मानार्थ आईस अधिकारीको रूपमा शपथ लिने
पुरुषोत्तम ढकाल, लस-एन्जलस । टेलिभिजन कार्यक्रममा सुपरम्यानको भूमिका निर्वाह गगरेर चर्चित बनेका अभिनेता डीन केन अमेरिकी आप्रवासन र भन्सार प्रवर्तन एजेन्सीमा सामेल हुन इच्छुक रहेका छन् । यसै सात फक्स न्यूजसँगको एक अन्तर्वार्तामा, केनले भने कि उनले राष्ट्रपति डोनाल्ड ट्रम्पको सामूहिक निर्वासन एजेन्डा कार्यान्वयन गर्न जिम्मेवार आइसका अधिकारीहरुसंग यस विषयमा कुरा गरिसकेको छन् ।
गृह सुरक्षा विभाग (होमल्याण्ड सेक्युरिटी) की प्रवक्ता, सहायक सचिव ट्रिसिया म्याकलफ्लिनले बिहीबार भने कि केनले आगामी महिनामा “मानार्थक आईस अधिकारी” को रूपमा शपथ लिनेछन्। मानार्थ अधिकारीको रूपमा उनको कर्तव्य के हुनेछ भन्ने कुरा स्पष्ट गरिएको छैन । ५९ वर्षीय केनले फक्स न्यूजलाई भने कि उनी पहिले नै शपथ ग्रहण गरेका डेपुटी शेरिफ र रिजर्भ प्रहरी अधिकारी पनि हुन्।
यस हप्ताको सुरुमा, केनले आफ्नो सामाजिक सञ्जालहरूमा अरूलाई एजेन्सीमा सामेल हुन प्रोत्साहित गर्दै एउटा भिडियो पोस्ट गरे। गृह सुरक्षा विभागले बुधबार भन्यो कि यसले अध्यागमन प्रवर्तनको लागि जिम्मेवार एजेन्सीमा नयाँ भर्नाहरूको लागि उमेर सीमा हटाउँदैछ, किनकि यसले कांग्रेसबाट ठूलो मात्रामा बित्तिय सहायता प्राप्त भएपछी थप भर्ना विस्तार गर्ने लक्ष्य राखेको छ।
केनले विगत एक दशकमा आफ्नो रूढिवादी दृष्टिकोणमा स्पष्ट बोलेका छन् र तीनवटा चुनावमा ट्रम्पलाई समर्थन गरेका छन्। केनका प्रतिनिधिले बिहीबार टिप्पणीको लागि गरिएको अनुरोधको जवाफ दिएनन्।
म्याकलाफ्लिनले आफ्नो बयानमा १९९३ देखि १९९७ सम्म चलेको “लोइस एण्ड क्लार्क: द न्यु एडभेन्चर्स अफ सुपरम्यान” मा केनको शीर्षक भूमिकालाई उल्लेख गर्दै भनिन्, “सुपरम्यानले अमेरिकीहरूलाई वास्तविक जीवनको सुपरहीरो बन्न प्रोत्साहित गरिरहेको छ।”
गत महिना नयाँ “सुपरम्यान” रिलिज गर्ने वार्नर ब्रदर्सले टिप्पणीको लागि गरिएको अनुरोधको तुरुन्तै जवाफ दिएन। डेभिड कोरेनस्वेट अभिनित र $५५० मिलियन भन्दा बढी कमाएको यो फिल्म, दक्षिणपन्थी टिप्पणीकारहरूको साथ तातो विषय बन्यो जसले निर्देशक जेम्स गनले पात्रलाई “आप्रवासी” जस्तो उल्लेख गरेपछि चलचित्रलाई “जागो” भनेर आलोचना गरे।
