लाल गोपाल सुवेदी अन्तर्राष्ट्रिय नेपाली साहित्य समाजको अध्यक्षमा निर्वाचित

लस एन्जलस । साहित्यकार तथा कवि लालगोपाल सुवेदी ‘अन्तर्राष्ट्रिय नेपाली साहित्य समाज’ (अनेसास) को अध्यक्षमा निर्वाचित हुनुभएको छ।

त्यसैगरी, शुक्रबार सार्वजनिक निर्वाचन परिणामअनुसार तारा अधिकारी वरिष्ठ उपाध्यक्ष, राजु सिटौला महासचिव र शकुन ज्ञवाली उपाध्यक्ष (अमेरिका) मा निर्वाचित हुनुभएको छ।

नवनिर्वाचित कार्यसमितिका सदस्यहरूमा राजेन्द्र केसी, डा. पारसमणि दंगाल, हरिमाया अधिकारी, महेश्वर पन्त र मीरा कोइराला रहनुभएको छ।

यसैगरी, दिनेशराज ज्ञवाली, राज श्रेष्ठ, डा. प्रकाश पौडेल, ऋषभराज घिमिरे र पुष्पा खनाल क्रमशः उपाध्यक्ष (एसिया), उपाध्यक्ष (युरोप), उपाध्यक्ष (ओसियाना), सचिव र कोषाध्यक्षमा निर्वाचित भइसक्नुभएको छ।

विगत तीन दशकदेखि क्रियाशील यो संस्था विश्वभर नेपाली भाषा, साहित्य, कला र संस्कृतिको प्रवर्द्धन, संरक्षण र विकासमा समर्पित संस्था हो।