काँग्रेसको संस्थापन पक्ष प्रदेश सरकारको नेतृत्व परिवर्तन गर्ने तयारीमा
काठमाडौं । आन्तरिक विवादमा फसेको प्रमुख प्रतिपक्षी दल नेपाली काँग्रेसको संस्थापन पक्ष प्रदेश सरकारको नेतृत्व परिवर्तन गर्ने तयारीमा जुटेको छ ।
यसै क्रममा मंगलबार कांग्रेस उपसभापति विश्वप्रकाश शर्मा र सहमहामन्त्री उदयशमशेर राणा प्रदेश सरकारको नेतृत्व परिवर्तन गर्ने तयारीका लागि नेकपा एमालेका अध्यक्ष केपी शर्मा ओलीलाई भेट्न उनको निवास भक्तपुरको गुण्डु पुगेका छन् ।
सहमहामन्त्री राणाका अनुसार एमालेका अध्यक्ष केपी शर्मा ओलीसंग प्रदेश सरकारको नेतृत्व परिवर्तन गर्ने विषयमा भएको प्रारम्भिक छलफल सकिएको छ।
विभिन्न छ वटा प्रदेशमा नेपाली कांग्रेस र नेकपा एमालेबीच सत्ता सहकार्य रहेको र विगतमा भएको सहमति अनुसार आलोपालो मुख्यमन्त्री बन्ने विषयमा दुवै दलका नेताहरूले छलफल गरेका छन्।
यद्यपि अहिले नै मुख्यमन्त्री परिवर्तन गर्ने कि बजेटपछि भन्ने विषयमा कांग्रेस र एमाले निर्णयमा पुगिसकेका छैनन्।
