नेपाल

इमेज सहकारी ठगीमा देवकुमार नेपालीलाई ८ वर्ष कैद

कास्की । कास्की जिल्ला अदालतले पोखराको इमेज बचत तथा ऋण सहकारी संस्थाको रकम हिनामिना प्रकरणमा संस्थापक अध्यक्ष देवकुमार नेपालीलाई ८ वर्ष कैद र १ करोड २६ लाख २३ हजार रुपैयाँ जरिबाना गर्ने फैसला गरेको छ ।

न्यायाधीश चन्द्रप्रकाश तिवारीको इजलासले कात्तिक १७ गते नेपालीसहित सात जनालाई कैद, जरिबाना तथा बिगो असुल गर्ने फैसला गरेको हो ।फैसला अनुसार सहकारीका सञ्चालक चित्रबहादुर भण्डारी र शक्ति किसानलाई ७ वर्ष तथा निशा कार्की, भूमि भण्डारी, विष्णु पौडेल र विमला गुरुङलाई जनही ६ वर्ष कैद सजाय सुनाइएको छ ।

यस प्रकरणमा अझै आठ जना फरार रहेका छन् । अदालतका अनुसार फैसलाको पूर्णपाठ आएपछि थप विवरण स्पष्ट हुनेछ ।

About the author
The Himalayan Voice

The Himalayan Voice

'कम्युनिटी न्युज नेटवर्क एलएलसी' अन्तर्गत सञ्चालित 'Thehimalayanvoice.com' अनलाइन समाचार सेवा हो। यसले पत्रकारिताका मूल्य-मान्यता र आचार संहिता अनुरूप सन्तुलित, सत्य र तथ्यपरक भूमिका निर्वाह गर्दै चौबीसै घण्टा र साताको सातै दिन अंग्रेजी तथा नेपाली भाषामा राष्ट्रिय र अन्तर्राष्ट्रिय समाचारहरू निरन्तर सम्प्रेषण गर्दछ।

Himalayan Voice Newsletter

News delivered directly to your inbox

Subscribe for important headlines, community updates, and selected stories.

टिप्पणी लेख्नुहोस्