काठमाडौँ । प्रतिनिधिसभाको आजको बैठकले ‘सहकारी (पहिलो संशोधन) विधेयक, २०८३’ पारित गरेको छ ।
बैठकमा व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलले प्रस्तुत गर्नुभएको ‘सहकारी (पहिलो संशोधन) विधेयक, २०८३’ सभाको बहुमतले पारित गरेको हो ।
माथिका दफावार छलफलमा उठेको विषयमा जवाफ दिँदै भूमि मन्त्री रावलले बचत कर्ताको बचत फिर्ता गर्ने विषय सबैभन्दा महत्वपूर्ण रहेको र यसमा प्रतिपक्षको साथ र सहयोग रहने अपेक्षा रहेको बताउनुभयो ।
मन्त्री रावलले बचतकर्ताको बचत उठाउन निर्मम भएर कठोर निर्णय लिनुपर्ने अवस्था रहेको र त्यसका लागि विभिन्न पक्षहरूसँग छलफल गरेर अगाडी बढेको बताउनुभयो ।
मन्त्री रावलले सहकारी क्षेत्रको सुधारका लागि सहकारी सिद्धान्त र उद्देश्य अनुसार चल्नु आवश्यक रहेको र यस क्षेत्रलाई राजनीतिबाट टाढा राख्नुपर्ने रहेको बताउनुभयो ।
विधेयकमा परेका संशोधनहरू मध्ये मन्त्री जवाफ दिने क्रममा स्वीकार गर्नुभएका र सांसदहरुले फिर्ता लिनुभएका बाहेक अन्य संशोधन प्रस्तावहरू सभाले अस्वीकृत गरेको छ ।
