बेलेरिक टापु युरोपको अनियमित आप्रवासनको लागि नयाँ मार्ग बन्दै
म्याड्रिड । अल्जेरियाबाट साना डुङ्गाहरूको साहारामा आप्रवासी आउने क्रम तिब्र भएपछी बेलेरिक टापुमा चिन्ता बढ्दै गएको छ।
बेलेरिक सरकारका अध्यक्ष मार्गा प्रोहेन्सले चेतावनी दिदै भनेकी छिन्, ‘अल्जेरिया र बेलेरिक टापुहरू बीचको बसाइँसराइ मार्ग युरोपमा तिब्र गतिमा बढिरहेको छ । २०२५ मा अहिलेसम्म ४,७०० भन्दा बढी आप्रवासीहरु आइसकेका छन्, यो तथ्यांक २०२४ को तुलनामा ७७% बढी हो।’
बेलेरिक टापुहरूले कडा आप्रवासी दबाबको अनुभव गरिरहेका छन् । विशेष गरी इबिजा र फोरमेन्टेरामा, जहाँ स्वागत केन्द्रहरू अझै पनि कुनै खुल्ने मिति निश्चित छैन।
प्रोहेन्सले यस निकायले पहिले नै साझा गरेको जानकारीलाई उद्धृत गर्दै यस मार्गबाट साना डुङ्गाहरूको आगमनमा वृद्धिको चेतावनी सहित केन्द्रीय सरकार र युरोपियन युनियनलाई टापुहरूमा फ्रन्टेक्स तुरुन्तै तैनाथ गर्न आह्वान गरेकी हुन् । उनले मानवीय संकटलाई रोक्न अल्जेरियन अधिकारीहरूसँगको सहकार्यलाई सुदृढ पार्न पनि आह्वान गरिन्।
पछिल्ला २० दिनमा, १,५०० आप्रवासीहरू आइपुगेका छन्, जसले गर्दा बेलेरिक द्वीपसमूह स्पेनमा अनियमित आप्रवासनको मुख्य बिन्दु बनेको छ। यसैबीच, क्यानरी टापुहरू र मुख्य भूमिमा आगमन घटेको छ, यद्यपि यो संकटलाई सम्बोधन गर्न सेप्टेम्बरको अन्त्यमा युरोपेली गृह मामिला आयुक्तसँग बैठक गर्ने योजना छ।
