आदिकवि भानुभक्त आचार्य र स्वामी सोमेश्वरानन्दको जन्म जयन्ती एकै साथ

टिङ्कु भट्टराई, फिक्कल । बिगतका वर्षहरुमा झैँ श्री सूर्योदय सामाजिक प्रतिष्ठान द्वारा आयोजित आदिकवि भानुभक्त आचार्यको २१२औं र स्वामी सोमेश्वरानन्दको १९८ औं जन्म जयन्ती सम्पन्न भएको छ ।

प्रतिष्ठानका अध्यक्ष श्री देवी प्रसाद गौतमको अध्यक्षतामा सञ्चालन भएको उक्त कार्यक्रममा स्थानीय समाज सेवी श्री निर्मला कट्टेल अग्रवालले प्रमुख अतिथिको आसन ग्रहण गर्नु भएको थियो । शैक्षिक ,सामाजिक ,बौद्धिक व्यक्तित्वहरुको सम्मान जनक उपस्थितिले कार्यक्रमको शोभा बढेको थियो ।

आमन्त्रित अग्रज महानुभावहरुले प्रायःजसो भानुभक्तिय रामायणको श्लोकवद्ध वाचन गर्नुभएको थियो भने साहित्यप्रेमी,साहित्य अनुरागी अन्य महानुभाव विवेक शर्मा लामिछाने , कविता राई गाउँले,डि पि बास्तोला, बिक्रम सुन्दास,टिङ्कु भट्टराई आदिको गजल , मुक्तक र कविता वाचनले रौनकता थपेको थियो ।

प्रतिष्ठानका सचिव श्री प्रेम सागर भट्टराईले बढो रोचक तरिकाले कार्यक्रम सञ्चालन गर्नु भएको थियो।