क्यालिफोर्नियाको कृषि फार्ममा आईसले गरेको धरपकडमा ३६० जना पक्राउ, एकको मृत्यू
लस-एन्जलस । गत हप्ता दक्षिणी क्यालिफोर्नियाका दुई गाँजा फार्महरूमा ३६० भन्दा बढी मानिसहरूलाई पक्राउ गरिएको संघीय अधिकारीहरूले पुष्टि गरेका छन्।
दक्षिणी क्यालिफोर्नियाका दुई गाँजा फार्महरूमा गरिएको धरपकड र छापा मार्ने कार्य राष्ट्रपति डोनाल्ड ट्रम्पले जनवरीमा पदभार सम्हाले पछिको सबैभन्दा ठूलो कारबाही मध्ये एक हो।
लस एन्जलसको उत्तरपश्चिममा रहेको क्यामारिलो र कार्पिन्टेरियामा रहेको ग्लास हाउस फार्ममा होमल्याण्ड सेक्युरिटीले अबैध आप्रवाशी खोजी वारेन्ट कार्यान्वयन गरेपछि बिहीबार गरिएको छापाका क्रममा ग्रीनहाउसको छतबाट लडेर एक कृषि मजदुरको मृत्यु भएको थियो ।
दक्षिणी क्यालिफोर्नियाभरि विस्तारित महिनाब्यापी कारबाहीको अन्त्यतिर दुई गाँजा फार्महरूमा छापा मारिएको थियो जुन मूल रूपमा लस एन्जलस रहेको केन्द्रित थियो ।तर राज्य सरकार र स्थानीय अधिकारीहरू भने यो धरपकड र छापाको बिरोधमा देखिएका छन् र संघीय सरकारको धरपकड र छापाका कारण आप्रवासी समुदायहरूमा डर र त्रास फैलिएको बताउदै आएका छन्।
तर गत शुक्रबार एक संघीय न्यायाधीशले ट्रम्प प्रशासनलाई लस एन्जलस सहित सात क्यालिफोर्निया काउन्टीहरूमा आप्रवाशीहरुको धरपकड र गिरफ्तारी रोक्न आदेश दिएका थिए।
क्यामारिलोको फार्ममा छापा मार्ने क्रममा ग्रीनहाउसको छतबाट खसेका एक कृषि मजदुरको शनिबार मृत्यु भएको थियो ।
