खेलकुद
कोहलपुर गोल्डकपको उपाधि आयोजक कोहलपुर रेसिङ सहारालाई
नेपालगञ्ज । चौथो कोहलपुर गोल्डकपको उपाधि आयोजक कोहलपुर रेसिङ सहारा क्लबले जितेको छ । निकै प्रतिस्पर्धात्मक तथा रोचक फाइनल खेलमा कोहलपुर रेसिङ सहारा क्लबले नेपाल पुलिस क्लबलाई पेनाल्टी सुट आउटमा पराजित गरेको हो । खेल एक(एक गोलको बराबरीमा सकिएपछि खेलको निर्णय पेनाल्टी सुट आउटबाट गरिएको हो ।
उपाधिसँगै रेसिङ सहाराले ट्रफीसहित आठ लाख रुपैयाँ हात पारेको छ भने पुलिसले उपविजेता बन्दै चार लाखमै चित्त बुझाएको छ । बैशाख १९ गतेदेखि सुरु भएको प्रतियोगितामा आयोजक कोहलपुर रेसिङ सहारा क्लब, पञ्चकोशी युवा क्लब, लालीगुराँस एसोसिएसन क्लब, सातदोबाटो युवा क्लब, जस्ट जोन एफसी (नाइजेरिया), रोयल फुटबल क्लब (कर्णाली), राइजिङ स्टार क्लब (नवलपरासी) र नेपाल पुलिस क्लब सहभागी थिए ।
कोहलपुर-२ स्थित तेह्र बिघा खेल मैदानमा प्रतियोगिता आयोजना भएको हो ।
