विश्वास

सगरमाथा ढलेको कसले देख्यो

हिजो मात्र इतिहास लेखिएको

दृढ अठोटको ।

धरती भासिएर रसातल पुग्यो भन्नेहरू हो

मैले टेकेको धरती खस्किएको छैन

हेर मलाई

म अविचल उभिइरहेको ।

विश्वास मेरो, सपना मेरो

इच्छा मेरो, यथार्थ मेरो

यसर्थ म भन्दै छु

संसारलाई निष्पट्ट ठान्नेहरू हो

तिम्रा विचलित मनमस्तिष्कमा

अठोटको अविचलित बीजारोपण गरी

विश्वासको दियो बालेर त हेर !

देख्ने छौ सारा संसार

सद्भावले सदा झिल्मिलाइरहेको ।