चितवन–२ मा रवि लामिछानेको अग्रता फराकिलो बन्दै

चितवन । प्रतिनिधिसभा अन्तर्गत चितवन निर्वाचन क्षेत्र नम्बर–२ मा राष्ट्रिय स्वतन्त्र पार्टी (रास्वपा) का सभापति रवि लामिछानेले अग्रता बढाउनुभएकाे छ।

हालसम्मको मतगणनाअनुसार लामिछानेले २ हजार २५ मत प्राप्त गर्दै पहिलो स्थानमा रहनुभएकाेे छ। उहाँलाई नेकपा एमालेका उम्मेदवार अस्मिन घिमिरेले १ हजार ६९ मतसहित पछ्याइरहनुभएकाे छ।

तेस्रो स्थानमा नेकपाका प्रताप गुरुङ रहनुभएकाे छ। उहाँले १ हजार १० मत प्राप्त गर्नुभएकाे छ। त्यस्तै नेपाली कांग्रेसकी उम्मेदवार मिना खरेलले ६६८ मत प्राप्त गर्नुभएकाे छ।

चितवन–२ मा मतगणना जारी रहेको छ भने थप नतिजा क्रमशः सार्वजनिक हुँदै जाने निर्वाचन अधिकृतको कार्यालयले जनाएको छ।