प्रतिनिधि सभाको बैठक बुधबारसम्मका लागि स्थगित
काठमाडौँ । सङ्घीय संसद्, प्रतिनिधि सभाको आज (मङ्गलबार) दिउँसो १ बजेका लागि तय गरिएको बैठक स्थगित भएको छ ।
सङ्घीय संसद् सचिवालयले जारी गरेको सूचनाअनुसार विशेष कारणवश आजको बैठक निर्धारित समयमा बस्न नसक्ने भएकाले बैठक भोलि (बुधबार) दिउँसो १ बजे बस्ने गरी पुनः निर्धारण गरिएको हो ।
प्रतिनिधि सभा नियमावली, २०८३ को नियम ६ को उपनियम (३) बमोजिम सभामुख डोलप्रसाद अर्यालले बैठक भोलि भदौ १० गते बुधबार दिउँसो १ बजे बस्ने गरी निर्धारण गर्नुभएको सङ्घीय संसद्का महासचिव पद्मप्रसाद पाण्डेयद्वारा जारी सूचनामा उल्लेख छ ।
सूचनामा भनिएको छ, ‘मिति २०८३ भदौ ९ गते मङ्गलबार दिनको १ बजे बस्ने गरी निर्धारण भएको प्रतिनिधि सभाको बैठक विशेष कारण निर्धारित मिति र समयमा बस्न नसक्ने भएकोले भदौ १० गते बुधबार दिनको १ बजे बस्ने गरी निर्धारण गर्नुभएको बेहोरा माननीय सदस्यहरूको जानकारीका लागि यो सूचना प्रकाशित गरिएको छ ।’
