‘नकारात्मकता र डिप्रेसनबाट बच्न परम्परागत जीवनशैली अपनाउनुहोस्’

मुम्बई । चर्चित अभिनेत्री एवं राजनीतिज्ञ कंगना रनौतले केतन अग्रवाल प्रकरणमा आफ्नो नयाँ धारणा सार्वजनिक गरेकी छिन्। यसपटक उनले अनुसन्धानमा आएको नयाँ मोडलाई आधार बनाएर युवाहरूलाई जीवनको उद्देश्य, संयम र सामाजिक सञ्जालबाट निर्देशित सम्बन्धहरूका जोखिमबारे व्यापक सन्देश दिएकी छिन्।

ती अभिनेत्रीले जुन महिनादेखि चर्चामा रहेको यस घटनासम्बन्धी एउटा समाचार रिपोर्ट आफ्नो इन्स्टाग्राम स्टोरीमा साझा गरिन्। उनले पोस्ट गरेको रिपोर्टअनुसार, अनुसन्धानकर्ताहरूले पत्ता लगाएका छन् कि मृतककी मंगेतर सिया गोयलले केतनसँगको विवाहको तयारी चलिरहेकै बेला चार महिनाअघि चेतन चौधरीसँग विवाह गरिसकेकी थिइन्।

सो रिपोर्टसँगै कंगना रनौतले एउटा लामो सन्देश पनि पोस्ट गरिन्, जसमा उनले यस घटनालाई आजको पुस्ताको दिशाहीनतासँग जोडेकी छिन्। कंगना रनौत भन्छिन, “ह्वाट्सएप, इन्स्टाग्राम, डेटिङ एप्स, बेन्चिङ, घोस्टिङ, धेरै जनासँग शारीरिक सम्बन्ध राख्ने प्रवृत्ति, क्रम्बिङ, ‘सिइङ’ वा परीक्षणको चरण, फिल्टर, स्टोरी, लागुऔषध, क्लब — यी सबै र यस्तै अन्य धेरै कुराहरू हुँदाहुँदै पनि अझै अपुग महसुस हुन्छ। लक्ष्य वा उद्देश्यविहीन जोशले यस्तै धेरै अनियन्त्रित र आत्म-विनाशकारी अभिव्यक्तिहरू खोज्छ। त्यसैले कुनै कुरामा धुन वा लगाव हुनु महत्त्वपूर्ण छ, तर त्यो आफ्नो करियर वा कुनै सीपप्रति हुनुपर्छ। युवा र चञ्चल मन भएकाहरूलाई म भन्न चाहन्छु: आफ्नो ऊर्जालाई रचनात्मक बाटोमा लगाउनुहोस्, खुला सोच राख्नुहोस् तर जीवनशैली भने संयमित वा परम्परागत अपनाउनुहोस्; यसरी तपाईं जेल, दिक्दारी, नकारात्मकता, डिप्रेसन र यस्तै अन्य धेरै विपत्तिहरूबाट बच्न सक्नुहुन्छ।’

यो मुद्धामा कंगनाले गत महिनाको अन्त्यतिर सियाका बुबा प्रवीण गोयलले उनकी छोरी दोषी पाइएमा कडा भन्दा कडा सजायको हकदार हुने बताउदै आफ्ना छोराछोरीको कार्यको लागि आमाबाबुलाई दोष दिन नसकिने तर्क गरेकी थिइन्।

कंगना रनौत भन्छिन, ‘आजकल परिवार, घर वा आमाबाबुलाई हेर्दा तपाईं बच्चाहरूको संस्कार (नैतिक मूल्य) बारे कहिल्यै निश्चित हुन सक्नुहुन्न, सबैभन्दा महत्त्वपूर्ण कुरा के हो भने तिनीहरूलाई कसले प्रोग्राम गरिरहेको छ? तिनीहरू कोसँग समय बिताउँछन्, एआई र सामाजिक सञ्जाल वा वास्तविक जीवनमा तिनीहरूको प्रभाव के छ। आमाबाबुलाई दोष दिन सकिँदैन किनभने मानिसहरू धेरै समानान्तर जीवन बिताइरहेका छन्, मानिसहरूले आफ्नो बारेमा ध्यानपूर्वक वांछनीय धारणा निर्माण गर्छन् किनभने यो सबै उनीहरूलाई कस्तो देखिन्छ भन्ने बारेमा हो, उनीहरू कस्तो महसुस गर्छन् वा उनीहरू वास्तवमा को हुन् भन्ने बारेमा होइन, त्यसैले परिवारलाई बालबालिकाको कार्यको लागि न्याय गर्न सकिँदैन।’