प्रमुख प्रतिपक्षको भूमिका पूरा गर्छौं : सभापति थापा
मोरंग । नेपाली कांग्रेसका सभापति गगनकुमार थापाले नेपाली कांग्रेसले प्रमुख प्रतिपक्षको भूमिका प्रभावकारी रूपमा निर्वाह गर्ने प्रतिबद्धता व्यक्त गरेका गर्नुभएको छ ।
कोशी प्रदेशस्तरीय निर्वाचन समिक्षा कार्यक्रममा बोल्दै उहाँले वर्तमान सरकारका कामकारबाहीमाथि निगरानी राखिने स्पष्ट पार्नुभएको हो । थापाले जनताका अपेक्षा पूरा गर्न नकेमा सरकारमाथि प्रतिपक्षले दबाब सिर्जना गर्ने उल्लेख गर्दै कांग्रेस सक्रिय भूमिकामा देखिने बताउनुभएको हो ।
निर्वाचनमा पराजय बेहोरे पनि पार्टी पुन: संगठित हुँदै अगाडि बढ्ने विश्वास व्यक्त गर्दै थापाले कांग्रेस अझ सशक्त रूपमा प्रस्तुत हुने दाबी गर्नुभएको छ । कार्यक्रममा पार्टीको ‘जरा अभियान’बारे चर्चा गर्दै उहाँले पार्टीभित्रैबाट सक्रिय सहभागिता बढाउने प्रयास भइरहेको उल्लेख गर्नुभयो ।
कार्यक्रममा कांग्रेसकी उपसभापति पुष्पा भुसाल, महामन्त्रीद्वय प्रदीप पौडेल र गुरुराज घिमिरेलगायत नेता–कार्यकर्ताको उपस्थिति रहेको थियो ।
