भेनेजुएलाद्वारा जेलमा रहेका १० अमेरिकी रिहा, बदलामा एल साल्भाडोरमा निर्वासित गरिएका दर्जनौं आप्रवासी फर्काइने

लस-एन्जलस । ट्रम्प प्रशासनको आप्रवासन कारबाही अन्तर्गत महिनौं अघि संयुक्त राज्य अमेरिकाले एल साल्भाडोरमा निर्वासित गरेका दर्जनौं आप्रवासीहरूलाई घर फर्काउने बदलामा भेनेजुएलाले शुक्रबार जेलमा रहेका १० अमेरिकीहरूलाई रिहा गरेको अधिकारीहरूले बताएका छन् ।

यो जटिल, तीन-देशीय व्यवस्थाले भेनेजुएलाका राष्ट्रपति निकोलस मादुरोको लागि ठुलो कूटनीतिक सफलता प्राप्त भएको संकेत गर्दछ । राष्ट्रपति डोनाल्ड ट्रम्पलाई विदेशका जेलमा रहेका अमेरिकीहरूलाई घर फर्काउने उनको लक्ष्यमा ठुलो मद्धत पुर्याएको छ भने साल्भाडोरन राष्ट्रपति नायिब बुकेले महिनौं अघि प्रस्ताव गरेको आदानप्रदान प्रदान सम्झौता र सहमतिमा टुंगिएको छ ।

सहमति लगत्तै विदेशमन्त्री मार्को रुबियोले एक विज्ञप्तिमा भने, ‘बुकेलेलाई धन्यवाद । भेनेजुएलामा गलत तरिकाले थुनामा राखिएका प्रत्येक अमेरिकी अब स्वतन्त्र छन् र हाम्रो मातृभूमिमा फर्किएका छन्।’

बुकेलेले भने, ‘एल साल्भाडोरले आफ्नो हिरासतमा रहेका सबै भेनेजुएलाका नागरिकहरूलाई सुम्पिएको छ। कृषि उत्पादकहरूको भेलालाई सम्बोधन गर्दै मादुरोले शुक्रबारलाई भेनेजुएलाका लागि आशीर्वाद र शुभ समाचारको दिन हो ।’

बुकेलेले भने, ‘आज भेनेजुएलाका लागि उत्तम दिन हो,” उनले भने। “आज एक शानदार दिन भएको छ।’

अमेरिकी बन्दीहरूको रिहाइको लागि वार्ता गर्ने जिम्मेवारी पाएको विदेश विभागको कार्यालयले शुक्रबार साँझ भर्खरै रिहा भएका कैदीहरूलाई घर ल्याइरहेको विमान भित्र अमेरिकी झण्डा फहराउदै खिचिएको तस्बिर पोष्ट गरेको छ ।

रिहा गरिएकाहरूमा ३७ वर्षीय लुकास हन्टर पनि थिए, जसको परिवारले उनलाई जनवरीमा कोलम्बिया भित्रबाट भेनेजुएलाका सीमा गार्डहरूले अपहरण गरेको बताएको छ, जहाँ उनी बिदा मनाइरहेका थिए।

उनकी कान्छी बहिनी सोफी हन्टरले भनिन्, ‘हामि उहाँलाई व्यक्तिगत रूपमा हेर्न, भेट्न र उहाँलाई यो कठिनाइबाट सहज बन्न मद्धत गर्न उत्सुक छौं ।’

यस बिचमा अमेरिकाले मादुरोलाई मान्यता नदिए पनि दुई सरकारले हालसालै द्धिपक्षीय सेवा आदानप्रदानहरू गरेका थिए ।

गत मे महिनामा भेनेजुएलाले अमेरिकी वायुसेनाका एक भेटेरानलाई लगभग छ महिनाको हिरासत पछि रिहा गर्‍यो। स्कट सेन्ट क्लेयरको परिवारले अफगानिस्तानमा चार पटक सेवा गरेका भाषा विशेषज्ञले पोस्ट-ट्रमाटिक स्ट्रेस डिसअर्डरको उपचार खोज्न दक्षिण अमेरिकाको यात्रा गरेका थिए ।

तीन महिना अघि, अमेरिकी सरकारले भेनेजुएलामा गलत तरिकाले थुनामा राखेको ठानेका अन्य छ जना अमेरिकीहरूलाई राष्ट्रपति भवनमा ट्रम्पका विशेष मिसनका लागि दूत रिचर्ड ग्रेनेलले मादुरोसँग भेट गरेपछि रिहा गरिएको थियो।

काराकसमा भएको बैठकमा ग्रेनेलले मादुरोलाई अमेरिकामा अपराध गरेका निर्वासित आप्रवासीहरूलाई फिर्ता लैजान आग्रह गरे। त्यसयता सयौं भेनेजुएलालीहरूलाई उनीहरूको गृह देशमा निर्वासित गरिएको छ, जसमा शुक्रबार आइपुगेका सात बालबालिका सहित २५१ जना समावेश छन्।

यस अघि मादुरोको सरकारले ट्रम्प प्रशासनलाई बालबालिकाका आमाबाबुलाई देश निकाला गरिएपछि पालनपोषण केन्द्रमा राखेर अपहरण गरेको आरोप लगाएको थियो।

(एजेन्सीहरुको सहयोगमा)