नेब्रास्कामा लुकेर बसेका एल साल्भाडोरका ‘मोस्ट वान्टेड’ अपराधी पक्राउ
नेब्रास्का । अमेरिकी नागरिकता तथा आप्रवासन सेवा (युएससिआइएस) ले अमेरिकी आप्रवासन तथा भन्सार प्रवर्तन नियोग, (आईस) संग समन्वय गर्दै जुलाई ९ मा एल साल्भाडोरको एमएस-१३ गिरोहका शीर्ष १०० मोस्ट वान्टेड अपराधीलाई पक्राउ गरेको छ ।
एमएस-१३ गिरोहका सदस्य एवं एल साल्भाडोरको नागरिक समेत रहेका उनीमाथि हत्या, हत्याको प्रयास, स्वतन्त्रताको र आतंकवादी संगठनसँगको आवद्धता रहेको दावी गर्दै पक्राउ गरेको आईसको विज्ञप्तिमा उल्लेख छ ।
उनलाई गैरकानूनी रूपमा संयुक्त राज्य अमेरिकामा रहेका एक एमएस-१३का सहयोगीसँगै पक्राउ गरिएको थियो।
आईसको विज्ञप्तिमा भनिए अनुसार उनका सहयोगी ३० वर्षीय रेने साउल एस्कोबार ओचोआ, चर्चित आपराधिक र एमएस -१३ गिरोहको सदस्य र एल साल्भाडोरमा पनि प्रहरीले खोजिगरिरहेको व्यक्ति हुन्। एस्कोबार ओचोआमाथि हत्या, जबरजस्ती चन्दा असुल्ने र लागूपदार्थको तस्करी लगायत विभिन्न अपराधहरू कर्म गरेको आरोप छ।
