प्रधानमन्त्री शाह संयुक्त राष्ट्रसंघको ८१औँ महासभामा भाग लिन अमेरिका जादै
काठमाडौँ । संयुक्त राष्ट्रसंघको ८१औँ महासभामा भाग लिन नेपाली प्रतिनिधिमण्डलको नेतृत्व गर्दै मेयर बालेन्द्र शाह न्युयोर्क जाने तयारीमा हुनुहुन्छ।
परराष्ट्र सचिव अमृत राईले जानकारी दिएअनुसार, संयुक्त राष्ट्रसंघको ८१औँ महासभामा सहभागी हुन न्युयोर्क जाने मेयर शाहको टोलीमा परराष्ट्रमन्त्री शिशिर खनाल पनि सामेल हुनुहुनेछ।
परराष्ट्र सचिव अमृत राईले भन्नुभयो, “संयुक्त राष्ट्रसंघको महासभाको ८१औँ अधिवेशनमा नेपाली प्रतिनिधिमण्डलको नेतृत्व गर्न मेयर बालेन शाहको न्युयोर्क भ्रमणको तयारी हामीले सुरु गरिसकेका छौं। मन्त्रालयले आवश्यक तयारी अघि बढाएको छ।”
परराष्ट्र मन्त्रालयका स्रोतहरूका अनुसार, जलवायु परिवर्तन, यसले नेपालमा पारेको असर र पाउनुपर्ने क्षतिपूर्तिलगायतका महासभामा उठाइने विषयहरूमा प्रधानमन्त्री तथा मन्त्रिपरिषद्को कार्यालयले पनि चासो देखाएको छ।
यसअघि, भदौ ३ गते बसेको मन्त्रिपरिषद्को बैठकले परराष्ट्रमन्त्री खनालको नेतृत्वमा जाने प्रतिनिधिमण्डलको महासभामा सहभागितालाई स्वीकृति प्रदान गरेको थियो।
