सेलिब्रेटीहरूको सम्बन्ध-विच्छेदको कथा, लिस्टमा फ्र्याङ्की मुनिज र पेज प्राइस देखि जेली रोल र बनी एक्स-ओ सम्म
सेलिब्रेटीहरूको सम्बन्ध-विच्छेद जुलाई महिना सम्मको संख्या हेर्दा डिसेम्बरसम्म पुग्दा लिस्ट लामै हुन्छ भन्न सकिन्छ। सम्बन्ध-विच्छेदको कथा हलिवुडका सेलिब्रेटीहरूका लागि पहिरन फेरे जस्तै हो। एक हलिवुड समिक्षक भन्छन, 'दिन बित्यो मन बदलियो र नयाँ स्वादको खोजीमा रेड कार्पेट ओछ्याउनेहरु असंख्य छन् यो रंगिन दुनियामा।'
लस एन्जलस। हलिवुडमा सम्बन्ध कतिबेला सुरु हुन्छ र कति बेला विच्छेद हुन्छ स्वयम् सेलिब्रेटीहरूलाई पनि पत्तो हुदैन।
उनीहरुको घर संसार र सम्बन्ध तासको पत्तिले बनेको घर जस्तै कतिबेला भत्किन्छ पत्तै हुन्न । २०२६ को जुलाई महिना नटेक्दै आधा दर्जन हलिवुड सेलिब्रेटीहरूहरुले सम्बन्ध-विच्छेद गर्नेहरुको लिस्टमा आफ्नो नाम दर्ता गराइसकेका छन् ।
सुरुवात गरौ जेली रोल र बनी एक्सओको सम्बन्ध विछेद्को कथाबाट।
‘आमेन’ गीतका गायकले करिब १० वर्षको वैवाहिक सम्बन्धपछि ‘डम्ब ब्लन्ड’ पोडकास्टकी सञ्चालिका (बनी एक्सओ) सँग सम्बन्धविच्छेदका लागि १८ मेमा निवेदन दिएको अदालती कागजातबाट खुलेको छ।
उनीहरूले सम्बन्धमा धोकाधडीको कुनै कुरा नरहेको स्पष्ट पार्दै आफूहरूको सम्बन्ध अझै पनि सुमधुर रहेको बताएका छन्। वास्तवमा, बनीले बताएअनुसार वर्षौंअघि सुरु गरिएको आईभीएफ प्रक्रियामार्फत उनी र जेली रोल अझै पनि सन्तान जन्माउने तयारीमा छन्।
एरियाना ग्रान्डे र इथान स्लेटरले पनि सम्बन्ध-विच्छेदको कथा लेखेर यो जोडी चर्चामा आएको छ ।
करिब तीन वर्षको सम्बन्धपछि, ‘विकेड’का पूर्व सह-कलाकारहरू अलग भएको कुरा जुन महिनामा पुष्टि भयो। तर उनीहरूको सम्बन्ध-विच्छेद “सौहार्दपूर्ण” थियो र उनीहरू “महिनाौँ अघि” अलग भइसकेका थिए।
सम्बन्ध-विच्छेदको यो होडमा एलेक्स रोड्रिगेज र ज्याक्लिन कोर्डेइरोको नाम पनि शिर्ष स्थानमै छ।
ती फिटनेस प्रशिक्षकले पुष्टि गरिन् कि उनी र पूर्व एमएलबी (MLB) स्टारबीच तीन वर्षको प्रेम सम्बन्धपछि ब्रेकअप भएको छ।
“स्पष्ट पार्नुपर्दा, एलेक्स र म अहिले केही समयका लागि अलग भएका छौं, तर हामीबीच आपसी प्रेम, हेरचाह र गहिरो सम्मान कायमै छ,” ज्याक्लिनले मे महिनामा टीएमजेडलाई दिएको बयानमा भनिन्। “हामी एक-अर्काको पक्षमा छौं र यसमा कुनै पनि प्रकारको कटुता, अनावश्यक विवाद वा नकारात्मक कुरा छैन।”
सेलिब्रेटीहरूको सम्बन्ध-विच्छेदको कथाका पात्रहरुको लिस्टमा काइलर ली र नाथन वेस्टले पनि आफ्नो नाम लेखाएका छन्।
‘ग्रेज एनाटोमी’की पूर्व-कलाकारले मे महिनामा यो पुष्टि गरिन् कि दुई दशकभन्दा लामो वैवाहिक सम्बन्धपछि उनी र उनका पति—जसका नोआ, टेलिन र एनिस्टन गरी तीन सन्तान छन्—ले चुपचाप अलग हुने निर्णय गरे।
सेलिब्रेटीहरूको सम्बन्ध-विच्छेद जुलाई महिना सम्मको संख्या हेर्दा डिसेम्बरसम्म पुग्दा लिस्ट लामै हुन्छ भन्न सकिन्छ। सम्बन्ध-विच्छेदको कथा हलिवुडका सेलिब्रेटीहरूका लागि पहिरन फेरे जस्तै हो। एक हलिवुड समिक्षक भन्छन, ‘दिन बित्यो मन बदलियो र नयाँ स्वादको खोजीमा रेड कार्पेट ओछ्याउनेहरु असंख्य छन् यो रंगिन दुनियामा।’
