खेलकुद
नेपालले डिसेम्बर ९ देखि ‘इन्डिया ए’ सँगको टी-२० शृङ्खला आयोजना गर्ने
काठमाडौँ । नेपालले कीर्तिपुरस्थित त्रिभुवन विश्वविद्यालय (त्रिवि) अन्तर्राष्ट्रिय क्रिकेट मैदानमा ‘इन्डिया ए’ पुरुष क्रिकेट टोलीसँग तीन खेलको टी-२० शृङ्खला खेल्ने भएको छ। यो शृङ्खला अन्तर्गतका खेलहरू डिसेम्बर ९, ११ र १३ मा सञ्चालन हुनेछन्।
स्कटल्याण्डमा आयोजित आईसीसी सम्मेलनका क्रममा क्यान नेपाल क्रिकेट सङ्घका अध्यक्ष चतुरबहादुर चन्द, सचिव पारस खड्का र भारतीय क्रिकेट नियन्त्रण बोर्डका सचिव देवजित साइकियाबीच भएको बैठकपछि यो शृङ्खलाको टुङ्गो लागेको हो।
* डिसेम्बर ९ – पहिलो टी-२०
* डिसेम्बर ११ – दोस्रो टी-२०
* डिसेम्बर १३ – तेस्रो टी-२०
