राहदानी विभाग अगाडि आत्मदाहको प्रयास

काठमाडौँ । एक युवकले राहदानी विभाग अगाडि आत्मदाहको प्रयास गरेका छन्। त्रिपुरेश्वरस्थित राहदानी विभाग अगाडि बिहीबार दिउँसो एक युवकले आफ्नै शरीरमा पेट्रोल खन्याएर आत्मदाहको प्रयास गरेको प्रहरीले जनाएको छ।

जिल्ला प्रहरी परिसर, काठमाडौँका प्रवक्ता एसपी पवनकुमार भट्टराईका अनुसार ती युवकलाई उपचारको लागि वीर अस्पताल लगिएको छ।

एसपी भट्टराईका अनुसार उनले शरीरमा आगो लगाउनु अघि पार्किङ गरेर राखेको उनको मोटरसाइकलमा नगर प्रहरीको टोलीले ह्वीललक गरेको थियो।