बुवाछोरीको कथा ‘मिरमिरे’

काठमाडौँ । चलचित्र ‘मिरमिरे’  ट्रेलर सार्वजनिक भएको छ । निर्माण पक्षले काठमाडौँमा एक कार्यक्रम आयोजना गर्दै ट्रेलर सार्वजनिक गरेको हो । सार्वजनिक ट्रेलरमा बुवा र छोरीबिचको कथा छ । बुवा र छोरीबिचको भावनात्मक सम्बन्धलाई कथाको ट्रेलरमा देखाइएको छ । ट्रेलरमा चलचित्रका मुख्य कलाकारहरू दयाहाङ राई, प्रकाश सपुत, सिर्जना निङ्लेखु, साइसा गौचनलगायत कलाकार देख्न सकिन्छ ।

यम शेर्पाको लेखन तथा निर्देशन रहेको चलचित्र माघ १ गतेबाट प्रदर्शनमा आउँदै छ । यार्सा फिल्म्सको प्रस्तुति रहेको चलचित्रमा दयाहाङ, प्रकाश, सिर्जना, साइसासँगै माओत्से गुरुङ, छुल्ठिम गुरुङ, भोलाराज सापकोटालगायतको अभिनय रहेको छ । निमु शेर्पा, छोङ्बा लामा शेर्पा र आङछिरिङ शेर्पा निर्माता रहनुभएको चलचित्रको सहनिर्मातामा गोविन्द बोहोरा, सुदीप कुँवर हुनुहुन्छ ।