नेपाली कांग्रेसका निवर्तमान सभापति शेरबहादुर देउवा साउन २८ गते नेपाल फर्कने

काठमाडौँ । नेपाली कांग्रेसका निवर्तमान सभापति शेरबहादुर देउवा साउन २८ गते नेपाल फर्कने भएका छन् । पारिवारिक स्रोतका अनुसार देउवा साउन २८ गते दिउँसो १२ बजे फर्किने समय तय भएको हो ।

सिंगापुरमा स्वास्थ्य परीक्षण गर्ने भन्दै देउवा फागुन १३ गते उपचारका लागि नेपालबाट देश छोडेका थिए। सिंगापुरमा स्वास्थ्य परीक्षण र उपचारको काम सकिएपछि उनी ७ चैत २०८२ मा हङकङमा बसिरहेका छन् ।

निवर्तमान सभापति शेरबहादुर देउवाले नेपाली कांग्रेसको संस्थापन इतर समूहले बोलाएको भेलालाई सम्बोधन गर्ने कार्यक्रम रहेको छ । इतर समूहले शुक्रबार काठमाडौँमा गरेको पत्रकार सम्मेलनमा भेला आयोजक समितिका संयोजक डा.शशाङ्क कोइरालाले साउन २९ गतेबाट काठमाडौँमा सुरु हुने राष्ट्रिय भेलालाई देउवाले सम्बोधन गर्ने जानकारी दिएका थिए ।

देउवा स्वदेश फर्किने तयारीमा रहेका बेला शुक्रबार प्रहरी प्रधान कार्यालयमा आयोजित पत्रकार सम्मेलनमा प्रहरी प्रवक्ता अविनारायण काफ्लेले देउवाविरुद्ध पक्राउ पुर्जी रहे–नरहेको विषयमा रेकर्ड हेरिरहेको बताएका छन् ।