गैर आवासीय नेपाली संघ जर्मनीको अध्यक्षमा लोकमणी ढकाल निर्वाचित

म्युनिक । गैर आवासीय नेपाली संघ (एनआरएनए) जर्मनीको अध्यक्षमा प्रतिद्वन्द्वी ज्याति राईलाई पराजित गर्दै लोकमणी ढकाल निर्वाचित भएका छन्।

आइतवार भएको अनलाइन मतदानमा खसेका ४५८ मतमध्ये ढकालले २९३ मत प्राप्त गर्दै विजयी भए। उनका प्रतिद्वन्द्वी ज्याति राईले १६६ मत प्राप्त गरे।

त्यसैगरी, महासचिव पदमा सनत कुमार गौतमले २७३ मत प्राप्त गर्दै विजयी भए भने उनका प्रतिस्पर्धी लोकन्द्र साम्बाले १७५ मत पाए।

गैरआवासीय नेपाली संघ राष्ट्रिय समन्वय परिषद् २०२५–२७ कार्यकालको निर्वाचन सफलतापूर्वक सम्पन्न गराउन निर्वाचन प्रमुख दिलबहादुर गुरुङ, सदस्य–सचिव विजय मोक्तान, तथा सदस्यहरू हेमराज जोशी, गोविन्द भण्डारी र विजय साहिले महत्वपूर्ण भूमिका निर्वाह गरेका थिए।