एनआरएनए अमेरिकाको निर्वाचन आइतबार, अगष्ट १७ र सोमबार, १८ तारिख हुने

लस एन्जलस । गैर आवासीय नेपाली संघ, (एनआरएनए) अमेरिकाको निर्वाचन अन्तर्गत आइतबार, अगष्ट १७ र सोमबार, १८ तारिख मतदान हुने भएको छ ।

निर्वाचन आयुक्तहरुले राजिनामा दिएका कारण अन्यौलमा परेको एनआरएनए अमेरिकाको निर्वाचन तिथि पुन:संघका पुर्व अध्यक्ष, उम्मेदवार, र अगुवाहरुको सहमतिमा नयाँ मिति घोषणा गरिएको संघका अध्यक्ष डा. अर्जुन बन्जाडेले जानकारी दिएका छन् ।

निर्वाचनमा सतेन्द्र साह, भानु खरेल र रामहरी अधिकारी प्यानल सहित चुनावी प्रतिष्पर्धामा रहेका छन् ।

अध्यक्ष बन्जाडेका अनुसार आइतबार, अगष्ट १७, बिहान ७:३० बजे मतदान सुरु हुनेछ भने र सोमबार, अगष्ट, १८ तारिख बिहान : १०:०० बजे सम मतदान गर्न सकिने व्यबस्था मिलाइएको छ ।