एन्फा महिला लिग छनोट : चर्च ब्वाइज युनाइटेडको फराकिलो जित

काठमाडौँ । चर्च ब्वाइज युनाइटेडले एन्फा महिला लिग छनोटमा फराकिलो जित हात पारेको छ ।

सातदोबाटोस्थित एन्फा कम्प्लेक्समा सोमबार सम्पन्न खेलमा चर्च ब्वाइजले एफसी रिएलेविरुद्ध ६–० को जित निकालेको हो ।

चर्च ब्वाइजलाई जित दिलाउन सुजता फालुङ्वा र आशिका थापाले समान दुई तथा मनीषा तुमरोक र वर्षा ओलीले गोल गरे । यससँगै चर्च ब्वाइजले तीन अङ्क जोडेको छ । दुवै खेलमा पराजित रिएले अङ्कविहीन छ ।