कामु प्रधानन्यायाधीश मल्लले गरेको निर्णयका विषयमा संसदमा विवाद
काठमाडौँ । राष्ट्रिय स्वतन्त्र पार्टीका सांसदहरु यज्ञमणि न्यौपाने र समीक्षा बास्कोटाले कायम मुकायम प्रधानन्यायाधीश सपना प्रधान मल्लको भूमिकामाथि प्रश्न उठाउनुभएको छ ।
प्रतिनिधिसभाको बैठकमा समय माग्दै कायम मुकायम प्रधान न्यायाधीश मल्लले संवैधानिक परिषद्को प्रधानन्यायाधीशमा सिफारिसविरुद्ध दायर दरपीठ निवेदन दर्ता गरेर पेसी तोक्न आदेश दिएको विषयमा उहाँहरूले आपत्ति जनाउनु भएको हो ।
रास्वपाका सांसदहरु ढकाल र बास्कोटाले कायममुकायम प्रधानन्यायाधीश सपना प्रधान मल्लको भूमिकामाथि प्रश्न उठाएपछि एमालेका सांसदहरूले उठेर विरोध जनाउनुभयो ।
त्यसपछि सभामुख डोल प्रसाद अर्यालले बोल्न समय दिएपछि नेकपा एमालेका प्रमुख सचेतक ऐन बहादुर महरले अदालतमा विचाराधीन मुद्दाको विषयमा संसदमा बहस गरेको भन्दै आपत्ति जनाउनुभयो ।
उहाँले न्यायाधीशले कर्तव्य पालनाका शिलशिलामा गरेका न्यायिक कार्यका विषय संसदमा उठाइएको र अदालतको अपमान हुने गरी सत्तापक्षको सांसदहरूको अभिव्यक्ति आएको भन्दै विरोध गर्नुभयो ।
