विश्वविद्यालयबाट दलीय विद्यार्थी र कर्मचारी सङ्गठनका संरचना तत्काल हटाउन प्रधानमन्त्रीको निर्देशन
काठमाडौँ । प्रधानमन्त्री वालेन्द्र शाहले विश्वविद्यालय र स्वास्थ्य शैक्षिक संस्थाहरूमा दलीय विद्यार्थी र कर्मचारी सङ्गठनका संरचना तत्काल हटाउने निर्णय कुनै पनि हालतमा कार्यान्वयन गर्न विश्वविद्यालय र प्रतिष्ठानका उपलकुलपतिहरुलाई निर्देशन दिनुभएको छ।
प्रधानमन्त्री तथा मन्त्रिपरिषदको कार्यालयमा आज देशभरिका विश्वविद्यालय र प्रतिष्ठानका उपकुलपतिहरूसँग साढे ३ घण्टासम्म समसामयिक विषयमा भएको छलफलमा प्रधानमन्त्री शाहले विश्वविद्यालय र प्रतिष्ठानहरूमा कुनै पनि बहानामा राजनीति गर्न नहुने भन्नुहुँदै दलीय विद्यार्थी र कर्मचारी सङ्गठनका संरचना हटाउन उपकुलपतिहरूलाई निर्देशन दिनुभयो ।
छलफलमा उपकुलपतिहरूले जेन्जी आन्दोलन र चुनावपछि विद्यार्थीले राजनीतिक गतिविधि सुस्त भएको र यस्ता सङ्गठन हटाउन पहल भइरहेको बताउनुभएको थियो । सो अवसरमा उपकुलपतिहरूले जग्गा प्राप्ति, जनशक्ति र स्रोतसाधनको व्यवस्थापनमा सरकारको सहयोगको अपेक्षा गर्नुभएको थियो ।
प्रधानमन्त्री शाहले यी सबै समस्या समाधान हुने गरी सरकारले काम सुरु गरिसकेको पनि जनाकारी गराउनुभएको प्रधानमन्त्रीको सचिवालयले जनाएको छ ।
