रास्वपा सभापति रवि लामिछानेलाई नक्खु कारागार सारिदै

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेलाई ललितपुरको नक्खु कारागार सारिने भएको छ ।

हाल रुपन्देही कारागारमा रहेका लामिछानेलाई रुपन्देही कारागारले आवश्यक प्रक्रिया पूरा गरेपछी नख्खु कारागार सार्न लागिएको हो ।

यस अघि लामिछानेले कारागार सरुवाको माग गर्दै दिएको दिएको र अदालत र जिल्ला प्रशासन कार्यालयबाट पहिल्यै अनुमति पाइसकेका थिए।

तर, गृह मन्त्री रमेश लेखकको निर्देशनमा लामिछानेको कारागार सरुवा कारागार व्यवस्थापन विभागले रोकेको भन्दै आलोचना भएको थियो ।

रास्वपाका सभापति लामिछाने हाल बुटवलको सुप्रिम सहकारीको रकम ठगी गरेको अभियोगको पुर्पक्षका क्रममा भैरहवा कारागारमा थुनामा छन् ।