जनसम्पर्क समिति अमेरिकाको अधिवेशन डिसेम्बर २७ तारिख घोषणा

लस एन्जलस । नेपाली काँग्रेसको भात्री संगठन नेपाली जनसम्पर्क समिति अमेरिकाको अधिवेशन डिसेम्बर २७ तारिख घोषणा गरिएको छ । यद्यपि अधिवेशन कुन राज्यको कुन स्थानमा आयोजना गर्ने भन्ने बारे औपचारिक टुंगो लागेको छैन ।

जनसम्पर्क समिति अमेरिकाको अधिवेशनका लागि लस एन्जलस, मेरिल्याण्ड र बोस्टन च्याप्टरले तयारी गरिरहेका छन् ।

शुक्रबार राति सभापति आनन्द विष्टको अध्यक्षतामा सम्पन्न बैठकले शनिबार देखि डिसेम्बर १५ तारिख सम्मको अवधि कायम गरेर सदस्यता खुल्ला गरेको छ । यस पटक देखि नेपाली काँग्रेसको क्रियाशील र जनसम्पर्क समिति अमेरिकाको सदस्यता छुट्टा छुट्टै बन्न सकिने प्रावधान गरिएको छ ।

विष्टका अनुसार च्याप्टर अधिवेशन डिसेम्बर २० तारिख र त्यसै दिन केन्द्रिय प्रतिनिधि चयन गरिने छ ।