एनआरएनए कोलोराडो च्याप्टरको अध्यक्षमा निमा शेर्पा निर्वाचित

कोलोराडो । गैर आवासिय नेपाली संघ, (एनआरएनए) कोलोराडो च्याप्टरको अध्यक्षमा निमा शेर्पा निर्वाचित भएका छन् ।

एनआरएनए कोलोराडो च्याप्टरको चुनाबमा १५१ मतसहित निमा शेर्पा अध्यक्ष पदमा निर्वाचित भएका हुन ।

यसै गरी, उपाध्यक्ष पदमा हरि गुरुङ १४४ मतले निर्वाचित भएका छन् । महासचिव पदमा सुशान्त पौडेल, कोषाध्यक्ष पदमा सन्दीप लामा, युवा संयोजक पदमा आशिष् कटुवाल र बोर्ड सदस्य पदमा गुडा थापा सबै निर्विरोध निर्वाचित भएका छन् ।

नयाँ अध्यक्ष निमा शेर्पा योभन्दा पहिले एनआरएनए अमेरिकाको बोर्ड सदस्यमा निर्वाचित सदस्यको रुपमा एक कार्यकाल पुरा गरिसकेका छन्। उनको नेतृत्वमा कोलोराडो च्याप्टरले नेपाली समुदायका लागि राम्रो सेवा र सहयोग गर्ने अपेक्षा गरिएको छ ।