एनआरएनए अमेरिकाको संरक्षकमा सुनिल शाह र सल्लाहकारमा भक्त थापा चयन

लस एन्जलस । गैर आवासिय नेपाली संघ (एनआरएनए) अमेरिकाको आइतबार सम्पन्न बैठकले संघको प्रमुख संरक्षकमा सुनिल शाहलाई चयन गरेको छ । संरक्षकमा निबर्तमान अध्यक्ष डा अर्जुन बन्जाडे सहित ८ जना चयन गरिएको छ ।

यसै गरि संघको राष्ट्रिय समन्वय परिषदको सल्लाहकारमा श्री पशुपति नाथ बुद्ध मन्दिरको संस्थापक अध्यक्ष भक्त थापालाई चयन गरिएको छ । अमेरिकाका विभिन्न राज्यका १५ जना लब्ध प्रतिष्ठित अगुवाहरुलाई संघको सल्लाहकारमा चयन गरिएको छ ।

संघका नवनिर्वाचित कार्य समितिका अध्यक्ष सतेन्द्र शाहको अध्यक्षतामा सम्पन्न बैठकले संरक्षक परिषद र सल्लाहकार चयन गरेको हो ।