राजनीति
एमाले उपाध्यक्ष विष्णु पौडेललाई तारेखमा रिहा गर्न विशेष अदालतको आदेश
काठमाडौँ । विशेष अदालतले नेकपा एमालेका उपाध्यक्ष विष्णु पौडेललाई साधारण तारेखमा रिहा गर्न आदेश दिएको छ।
विशेष अदालतका न्यायाधीशहरू नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले पौडेललाई साधारण तारेखमा रिहा गर्न आदेश दिएको हो।
पौडेलको सम्बन्ध र संलग्नता रहेको कुरा तत्काल प्राप्त प्रमाणहरूबाट खुल्न नसकेको भन्दै अदालतले साधारण तारेखमा रिहा गर्न आदेश दिएको हो।
सम्पत्ति शुद्धीकरण विभागले पौडेललाई असार ८ गते सुर्खेतबाट पक्राउ गरेको थियो।
