विवादास्पद मेडिकल ब्यावसायी दुर्गा प्रसाईं पक्राउ

काठमाडौं । विवादास्पद मेडिकल ब्यावसायी दुर्गा प्रसाईं पक्राउ परेका छन् । जिल्ला प्रहरी परिसर काठमाडौं र काठमाडौं उपत्यका अपराध अनुसन्धान कार्यालयको टोलीले भक्तपुरस्थित उनकै घरबाट प्रसाईंलाई पक्राउ गरेको प्रहरी स्रोतले जानकारी दिएको छ ।

हिंसा भड्किने गरी अराजक गतिविधि गर्न अभिव्यक्ति दिएको आरोपमा प्रसाईंलाई सोमबार मध्यरातमा पक्राउ गरिएको प्रहरी पुष्टि गरेको छ ।

यसअघि १५ चैतमा राजसंस्था पुनर्बहालीको लागि भएको हिंसात्मक आन्दोलनपछि पक्राउ परेका प्रसाईं अदालतको आदेशपछि छुटेका थिए । विवादास्पद मेडिकल ब्यावसायी पछिलो समय राजावादी गतिविधिमा संलग्न रहदै आएको र बैंकबाट लिएको ऋण मिनाहा गर्नुपर्ने माग राख्दै आन्दोलनको तयारीमा थिए ।