चिचिला ट्रेल रेसको उपाधी नारद र फुर्बु छेकीले जिते
नवीन गुरुङ, सङ्खुवासभा । सङ्खुवासभाको चिचिला गाउँपालिकाले आयोजना गरेको चिचिला ट्रेल रेसको उपाधी पुरुष तर्फ नारद राई र महिला तर्फ फुर्बु छेकी शेर्पाले जितेको छ ।
शनिबार चिचिला ट्रेल रेसमा पुरुषतर्फ प्रथम नारद राई चिचिला–४, द्धितिय रवि गुरुङ चिचिला–३, तृतीयि गणेश राई सिलिचोङ–३ र सान्त्वना प्रशान्त राई सिलिचोङ–३ विजयी भएको हो । पुरुषतर्फ ४३ जनाले सहभागिता जनाएका थिए ।
त्यसैगरी, चिचिला ट्रेल रेसको उपाधि महिलातर्फ फुर्बु छेकी शेर्पा सिलिचोङ–४, द्धितिय मिङ्मा शेर्पा खाँदबारी–४, अनुशा राई चिचिला–४ र रोजिमा राई चिचिला–४ विजयी भएको हो । महिला तर्फ १२ जनाले सहभागीता जनाएका थिए ।
विजेताहरुलाई एक कार्यक्रमबिच प्रथमलाई नगद दश हजार र प्रमाणपत्र, मेडल, द्वितियलाई नगद ७ हजार र प्रमाणपत्र, मेडल, तृतीयलाई नगद ५ हजार र प्रमाणपत्र, मेडल प्रदान गरिएको थियो । महिला र पुरुष दुवैलाई पुरस्कार समान रहेको थियो ।
खाँदबारी नगरपालिका र चिचिला गाउँपालिकाको सिमाना छ्याङकुटी डाँडादेखि सुरु भएर रमितेडाँडा–चिचिला बजार–कुवापानी, बलुथाम डाँडा–मकालु हिरक पार्क–धजे प्रवेशद्धार–गुराँसे धजे मत्स्ये समाधीस्थलहुँदै मत्स्यपोखरी कार्यक्रमस्थलसम्म १२.५ किमि दुरीको चिचिला ट्रेल रेस आयोजना गरिएको थियो । रासस