बागमतीको मुख्यमन्त्रीमा थापा मगर नियुक्त

बागमती । बागमती प्रदेशको मुख्यमन्त्रीमा नेपाल कम्युनिष्ट पार्टी (एमाले) का किरण थापा मगर नियुक्त हुनुभएको छ । 

बागमती प्रदेश प्रमुख दीपकप्रसाद देवकोटाले नेपालको संविधानको धारा, १६८ को उपधारा २ अनुसार थापा मगरलाई मुख्यमन्त्रीमा नियुक्त गर्नुभएको हो । उहाँलाई राष्ट्रिय प्रजातन्त्र पार्टी र नेपाली कम्युनिस्ट पार्टीको समर्थन रहेको छ ।

नवनियुक्त मुख्यमन्त्री थापा मगरलाई प्रदेश प्रमुख दीपकप्रसाद देवकोटाले नियुक्तिपत्र प्रदान गर्नुभयो ।